Tollywood Stars: మ‌రి కొన్ని గంట‌ల్లోనే 2022కు బై బై చెప్పి కొత్త సంవత్సరానికి స్వాగతం చెప్ప‌బోతున్నాము. న్యూ ఇయర్ ను ఎంతో ఆనందంగా ప్రారంభించ‌డం కోసం దాదాపు అంద‌రూ ఎంతో అతృత‌గా ఎదురు చూస్తున్నారు. ఎప్పుడూ షూటింగ్స్ కార‌ణంగా ఫుల్ వర్క్ షెడ్యూల్స్‌తో బిజీగా ఉన్న మన స్టార్ సెలబ్రిటీలు కూడా తమ ప్రియమైన వారితో కలిసి ఈ కొత్త సంవత్సరానికి ఆహ్వానం పలకడానికి ఉత్సాహంగా ఉన్నారు. మన టాలీవుడ్ టాప్ హీరోలు(Tollywood Stars) కూడా న్యూ ఇయర్ వేడ‌క‌ల్లో భాగం అయ్యాయి. ఫ్యామిలీతో ఎక్కువ సమయం గడపడానికి వారికి ఇష్టమైన హాలిడే స్పాట్‌ను ఎంచుకుని వెకేషన్ చెక్కేశారు. మ‌రి టాలీవుడ్ టాప్ హీరోలు ఎక్క‌డ న్యూ ఇయర్ వేడ‌క‌ల‌ను జ‌రుపుకుంటున్నారో ఇప్పుడు తెలుసుకుందాం.
ఎన్టీఆర్(NTR): జూనియర్ ఎన్టీఆర్ తన భార్య లక్ష్మీ ప్రణతి మరియు పిల్లలు అభయ్ రామ్, భార్గవ్ రామ్‌లతో కలిసి ఈ కొత్త సంవత్సరానికి స్వాగతం పలికేందుకు న్యూయార్క్ వెళ్లారు. అక్క‌డి అందాల‌ను అస్వాధిస్తూ ఫుల్‌గా ఎంజాయ్ చేస్తున్నారు. ఇప్ప‌టికే వీరి వెకేషన్ కు సంబంధించి ఫోటోలు సోష‌ల్ మీడియాలో చ‌క్క‌ర్లు కొట్టారు. న్యూ ఇయ‌ర్‌కు ఎన్టీఆర్ ఫ్యామిలీ న్యూయార్క్‌లో వెల్క‌మ్ చెప్ప‌బోతున్నారు.
మహేష్ బాబు(Mahesh Babu): టాలీవుడ్ ప్రిన్స్ మహేష్ బాబు ఫ్యామిలీతో ఈ ఏడాది వ‌రుస విషాదాలు చోటుచేసుకున్నాయి. త‌న‌కు ఎంతో ప్రియమైన ముగ్గురు సభ్యులను కోల్పోవడం ద్వారా కఠినమైన సంవత్సరాన్ని ఎదుర్కొన్న మహేష్ బాబు.. కొత్త సంవత్సరాన్ని ఆనందకరమైన సెలవులతో స్వాగతించాలని నిర్ణయించుకున్నాడు. ఇందులో భాగంగానే తన భార్య నమ్రతా శిరోద్కర్‌, పిల్లలు గౌతమ్ ల‌తో స్విట్జర్లాండ్ కు వెళ్లారు. ప్రస్తుతం సుందరమైన స్విస్ పట్టణమైన లూజర్న్‌లో ఉన్నారు. అక్క‌డే న్యూ ఇయ‌ర్‌ను సెల‌బ్రేట్ చేసుకోబోతున్నారు.
అల్లు అర్జున్(Allu Arjun): ఐకాన్ స్టార్ అల్లు అర్జున్ తన భార్య స్నేహ, పిల్లలు అయాన్ మరియు అర్హాతో కలిసి న్యూ ఇయర్ వేడుక‌ల కోసం సింగపూర్‌కు వెళ్లారు. తమ వెకేష‌న్‌కు సంబంధించిన ఫోటోల‌ను స్నేహ తన ఇన్‌స్టాగ్రామ్ హ్యాండిల్ ద్వారా పంచుకుంది.
రామ్ చరణ్(Ram Charan): మెగా ప‌వ‌ర్ స్టార్ రామ్ చరణ్ ఇటీవ‌లె భార్య ఉపాసన కామినేనితో కలిసి ఆఫ్రికాకు వెళ్లారు. అయితే ఈ మెగా జంట తమ న్యూ ఇయర్ వెకేషన్ లొకేషన్ గురించి గోప్యంగా ఉంచాలని నిర్ణయించుకున్నారు. ఇక‌పోతే త్వ‌ర‌లోనే ఈ జంట త‌ల్లిదండ్రులు కాబోతున్నారు. పెళ్లి అయిన ప‌దేళ్ల త‌ర్వాత ఉపాసన గ‌ర్భం దాల్చింది.
Click here for follow Pakkafilmy in google news