ఏడారిలో ప్రయాణించే హీరో అక్కడి వాతావరణంలో ఎన్ని కష్టాలు ఎదుర్కొన్నాడు, కుటుంబానికి దూరమై, ప్రేయసిని వదిలి వారి జ్ఞాపకాలతో మానసికంగా ఎంత బాధపడ్డాడు అనే నేపథ్యంతో ఓ పాట కంపోజ్ చేయాలి. మామూలుగా మ్యూజిక్ డైరెక్టర్స్ ఆ సందర్భం బాధాకరమైంది కాబట్టి పాథటిక్ ట్యూన్ కంపోజ్ చేస్తారు. కానీ డబుల్ ఆస్కార్ విన్నర్ ఏఆర్ రెహమాన్…స్వయంగా ఆ ఎడారి లొకేషన్ కు వెళ్లాడు. అక్కడి ఎడారిలో తిరుగుతూ, అక్కడి ప్రతికూల వాతావరణం భరిస్తూ, అక్కడి ప్రకృతిని అనుభూతి చెందుతూ “ది గోట్ లైఫ్” (ఆడు జీవితం) సినిమా కథలో హీరో ఈ పరిస్థితుల్లో ఎలాంటి భావోద్వేగాలకు గురయ్యాడో ఊహిస్తూ పాట కంపోజ్ చేశాడు. ఆ పాటనే తేజమే రెహమానేనా.. ఈ పాటను తాజాగా మూవీ టీమ్ రిలీజ్ చేశారు.
స్టార్ హీరో పృథ్వీరాజ్ సుకుమారన్ నటించిన “ది గోట్ లైఫ్” (ఆడు జీవితం) సినిమా ఈ నెల 28న పాన్ ఇండియా స్థాయిలో థియేట్రికల్ రిలీజ్ కు రెడీ అవుతోంది. “ది గోట్ లైఫ్” (ఆడు జీవితం) సినిమాను బెన్యామిన్ రాసిన గోట్ డేస్ నవల ఆధారంగా అవార్డ్ విన్నింగ్ డైరెక్టర్ బ్లెస్సీ రూపొందించారు. విజువల్ రొమాన్స్ బ్యానర్ ఈ సినిమాను మలయాళ చిత్ర పరిశ్రమలో ప్రెస్టీజియస్ ప్రాజెక్ట్ గా భారీ బడ్జెట్ తో నిర్మించింది. ‘తేజమే రెహమానేనా..’ లిరికల్ సాంగ్ కు రాకేందు మౌళి లిరిక్స్ అందించగా జితిన్ రాజ్ పాడారు. ఏఆర్ రెహమాన్ ఎప్పటిలాగే బ్యూటిఫుల్ గా కంపోజ్ చేశారు.