వేణు తొట్టెంపూడి, అవంతిక మిశ్రా లీడ్ రోల్ లో నటించిన వెబ్ సిరీస్ “అతిథి”. ఈ వెబ్ సిరీస్ ను రాండమ్ ఫ్రేమ్స్ ఎంటర్ టైన్ మెంట్ బ్యానర్ పై దర్శకుడు భరత్ వైజీ రూపొందించారు. ప్రముఖ దర్శకుడు ప్రవీణ్ సత్తారు షో రన్నర్ గా వ్యవహరించారు. డిస్నీ ఫ్లస్ హాట్ స్టార్ లో ఈ నెల 19 నుంచి “అతిథి” వెబ్ సిరీస్ స్ట్రీమింగ్ కానుంది. తాజాగా ఈ చిత్ర ప్రీ రిలీజ్ ఈవెంట్ ను హైదరాబాద్ లో ఘనంగా నిర్వహించారు. ఈ సందర్భంగా

దర్శకుడు వైజీ భరత్ మాట్లాడుతూ – ప్రవీణ్ సత్తారు గారిని ఒక సినిమా స్క్రిప్ట్ రైటింగ్ కోసం కలిసినప్పుడు ఈ పాయింట్ చెప్పాను. ఆయనకు నచ్చి ప్రాజెక్ట్ మొదలైంది. అలాగే డిస్నీ హాట్ స్టార్ లో నా ఫ్రెండ్ సపోర్ట్ చేశాడు. అనురాధ గారికి సబ్జెక్ట్ నచ్చి వెబ్ సిరీస్ టేకప్ చేశారు. నేను అతిథి కథ చెప్పింది ఫస్ట్ వేణుగారికే. ఆయన ఒక కొత్త యాక్టర్ లా ఈ వెబ్ సిరీస్ చేశాడు. అతిథిలో హారర్, థ్రిల్లర్ అంశాలుంటాయి. ప్రతి ఏపిసోడ్ ట్విస్టులతో సాగుతుంది. ఫ్యామిలీ అంతా చూసే వెబ్ సిరీస్ ఇది. అన్నారు.

హీరోయిన్ సియా గౌతమ్ మాట్లాడుతూ – అతిథితో ఫస్ట్ టైమ్ డిస్నీ ఫ్లస్ హాట్ స్టార్ తో కలిసి పనిచేస్తున్నా. భయపెడుతూ థ్రిల్ అందించే వెబ్ సిరీస్ ఇది. వేణు గారితో నాకు ఎక్కువగా సీన్స్ ఉంటాయి. అవంతిక మిశ్రా మాయ క్యారెక్టర్ లో మిమ్మల్ని భయపెడుతుంది. అతిథి ఒక్క సీజన్ తో ఆగదు చాలా సీజన్స్ గా వస్తుందని ఎక్స్ పెక్ట్ చేస్తున్నాను. అని చెప్పింది. హీరోయిన్ అవంతిక మిశ్రా మాట్లాడుతూ – ఈ వెబ్ సిరీస్ లో కథ, స్క్రీన్ ప్లే, ప్రొడక్షన్ వ్యాల్యూస్, ఆర్టిస్టుల పర్ ఫార్మెన్స్ అన్నీ బాగుంటాయి. సరైన టీమ్ అతిథికి కుదిరింది. ఈ వెబ్ సిరీస్ లో మాయగా మీ ముందుకు వస్తున్నా. హారర్ థ్రిల్లర్స్ ఇష్టపడేవారికి పర్ ఫెక్ట్ వెబ్ సిరీస్ అతిథి. డిస్నీ ఫ్లస్ హాట్ స్టార్ లో చూడండి. అని చెప్పింది.

హీరో వేణు తొట్టెంపూడి మాట్లాడుతూ – అతిథి వెబ్ సిరీస్ ఇంత బాగా వచ్చిందంటే ఆ క్రెడిట్ డైరెక్టర్ భరత్ కు ఇస్తాను. ప్రవీణ్ సత్తారు గారికి థ్యాంక్స్ చెబుతున్నా. మమ్మల్ని ఇంతమంచి ప్రాజెక్ట్ లో పార్ట్ చేసినందుకు డిస్నీ ఫ్లస్ హాట్ స్టార్ కు థ్యాంక్స్ చెబుతున్నా. ఒక సినిమా రన్నింగ్ టైమ్ లో అతిథి వెబ్ సిరీస్ ఉంటుంది. స్టార్టయితే కంటిన్యూగా చూస్తారు. అంత గ్రిప్పింగ్ గా ఉంటుంది. ఒక్క ఎపిసోడ్ మిస్సయినా ట్విస్ట్ మిస్సవుతారు. అని చెప్పారు.

Leave a Reply

Your email address will not be published. Required fields are marked *